ഓൾ ഡാം മലയാളി കൽ ച്ചറൽ അസോസിയേഷൻ ആദ്യമായി മദേഴ്സ് ഡേ വിപുലമായ പരിപാടികളോടെ ആഘോഷിച്ചു . അസോസിയേഷൻ പ്രസിഡന്റ് ശ്രീ ഷാജി വാരാക്കുടി ആഘോഷങ്ങൾ ഉത്ഘാടനം ചെയ്തു. ജയ പുഷ്പരാജ് സ്വാഗതവും ആർട്സ് കോഓഡിനേറ്റർ ജെസ്സി ബൈജു നന്ദിയും അർപ്പിച്ചു. അമ്മമാരുടെയും കുട്ടികളുടെയും വിവിധ കലാ പരിപാടികൽ ആഘോഷങ്ങൾക്ക് വർണ്ണപ്പകിട്ടേകി .
ഓൾ ഡാമിൽ കഴിഞ്ഞ ഒരു പതിറ്റാണ്ടായി പ്രവർത്തിച്ച് വരുന്ന സംഘടനയുടെ ചരിത്രത്തിലെ തങ്ക ലിപികളിൽ എഴുതിച്ചേർക്കാവുന്ന ഒരു പൊൻ തൂവലാണ് ആഘോഷങ്ങളെന്നു ഭാരവാഹികൾ അറിയിച്ചു. അസോസിയേഷനിലെ കുട്ടികളാണ് ആഘോഷങ്ങൾക്ക് നേതൃത്വം നല്കിയത് .
ഓൾ ഡാം സെന്റ് പോൾസ് ചർച്ച് ഹാളിൽ നടന്ന ആഘോഷങ്ങളിൽ സ്നേഹ വിരുന്ന് , മധുര പലഹാര വിതരണം എന്നിവയും ഉണ്ടായിരുന്നു . മദേ ഴ് സ് ഡേ വൻവിജയമാക്കാൻ സഹകരിച്ച എല്ലാവർക്കും അസ്സൊസിയേഷൻ ഭാരവാഹികൾ നന്ദി പറഞ്ഞു .
